本帖最後由 有可能 於 23-7-2010 13:10 編輯
小弟睇到而家希望d價,個ynk,d外掛,有感而發..........
自小弟岩岩上中學...電玩廣受青少年喜愛,online game就當時掘起,我同好多朋友一樣,成日抄下網上面,有d咩岩玩,唔知係咪上天既安排,比我見到'希望'.........而佢.係我第一隻打從心底喜愛既網上遊戲.........個時係希望online岩岩開始封測既時候,我同埋幾隻小貓一齊入去呢個未知既世界,開左個人物,入到去獅子城,周圍走黎走去,有d無聊,又係打怪升lv?,但又有d驚喜,我都知隻game係走可愛惡搞風,但係萬估唔到kuso d到怪物識講野,d對白仲咁抵死........一開始鍾意既係隻game本身d風格,但係慢慢玩落去,我唔單只鍾意game入面所有事,更加鍾意入面既玩家...
唔知係唔係我一開始做既職業係祭師,好多機會接觸其他玩家,但希望onlone係我玩既第一隻台灣代理遊戲,始終同d台人有d溝通問題,但係佢地係知道我係港人後,不單只更加同我有講有笑,仲好好心咁講解左好多台灣注音係中文既意思,又加我好友,得閑帶我呀咁,完全唔係所謂'香港玩家'犒呼人地做台狗咁'狗',全部玩家都好友善,唔知係唔係又係game既可愛風帶動,個個都互相幫助,已經超越普通人既面對面社交關係,呢d都係我係希望入面學到既,係台灣玩家身上學到既尊重,欣賞同埋愛....
係封測公測完左之後,橙社正式要希望收月費營運,我都因為經濟困難忍痛唔玩得,直到07年免費,我終於又可再擁上'新希望'既懷抱......但隨免費後既係...........痛苦....新公司ynk接管左既新希望大家都有目共睹,物價漲爆,係我玩既ser2一粒紅寶就4e幾,人出去打怪要同d外掛機械人鬥搶,不斷有玩家流失,加入既都係想因免費而有多餘錢買點數既金錢戰士.......講左咁多,我唔係想希望再次變返以前咁有人性,亦係因為唔可能,只係希望大家都唔好當希望係一隻快餐遊戲,對我黎講,佢真係一隻不可多得既好遊戲.....
講左咁多純粹舒忬發下個人情感,大家當係飯後水果,食完幫助消化.......... |